ချမ်းသာပျော်ရွင် ချက်ဖို့ပြင်

ချမ်းသာပျော်ရွင် ချက်ဖို့ပြင်

ဖေဖော်ဝါရီလမှာတော့  ဆရာမနန်းစန်းစန်းအေးက ‘ဝက်လျှာနှစ်တစ်ရာသီးပေါင်း’ အပါအဝင် ဟင်းလျာအတွဲ အစပ် (၇)မျိုးကို စီစဉ်ထားပါတယ်။ အဆိုပါဟင်းလျာအတွဲ အစပ်များကတော့ –

၁။      ဝက်လျှာနှစ်တစ်ရာသီးပေါင်း၊ ချဉ်ပေါင်ခါးမျှစ်ကြော်၊ ငရုတ်သီးသုပ်၊ ခဝဲသီးဟင်းရည်၊

၂။      ပုစွန်ငရုတ်သီးအဆာသွတ်၊ မုန်လာပင်ပေါက်ကြော်၊ ခရမ်းချဉ်သီးပဲပုပ်ထောင်း၊ ဆွန်တန်ဟင်းချို၊

၃။      ကြက်သားပဲအာလူးချက်၊ ကျောက်ပွင့်သုပ်၊ မန်ကျည်း သီးငါးပိချက်၊ ငရုတ်သီးထောင်း၊

၎။      ငါးပြေမစောင်းလျားသီးချက်၊ ပဲလိပ်ပြာနှပ်၊ ကင်ပွန်း ချဉ်ရွက်ဟင်းချို၊ ငါးပိထောင်း၊

၅။      ဆတ်သားထောင်းအစပ်ကြော်၊ မုန်လာဥချဉ်ရည်ဟင်း၊ ပုစွန်ခြောက်ကြော်၊ ဆလတ်ရွက်သုပ်၊

၆။      ကဏန်းအသားကြက်ဥကြော်၊ ရွှေဖရုံသီးနှပ်၊ ခရမ်းချဉ်သီးငါးပိချက်၊ ပဲပေါက်ဟင်းရည်၊

၇။      ဆိတ်ပုဆိုးကြောင်းမဆလာချက်၊ ပဲဝါလေးကြာဆံဟင်းချို၊ မရမ်းသီးထောင်း၊ မြင်းခွာရွက်သုပ်၊

          အဆိုပါ ဟင်းလျာအတွဲအစပ် (၇)မျိုးထဲမှ ဝက်လျှာ နှစ်တစ်ရာသီးပေါင်း၊ ချဉ်ပေါင်ခါးမျှစ်ကြော်၊ ငရုတ် သီးသုပ်၊ ခဝဲသီးဟင်းရည်တို့ကို တင်ဆက်ပေးလိုက်ပါတယ်။

          ‘မမ ဒီစပျစ်သီးစိမ်းစိမ်းလေးတွေ ဝယ်သွားရအောင်’

          ‘အချိုပေါ့၊ အချဉ်ပေါ့တယ် မကြိုက်ဘူး’

          ‘အံမယ်စားပဲစားကြည့်ပါအုန်း။ ဒါမြန်မာပြည်က အသီးမဟုတ်ဘူး။ ယိုးဒယားကလာတာ၊ ချိုလည်းချို တယ်။ အစေ့လည်းမပါဘူး’

          ‘မည်းမည်းလေးနဲ့ သဘာဝအတိုင်း အရသာရှိတဲ့ စပျစ်သီးကိုပဲ ကြိုက်တယ်။ မတန်တဆကြီး၊ မတန်တ ဆ ချိုနေတဲ့ဟာတွေ မစားရဲဘူး’

          ‘လူကခေတ်မှီသလိုလိုနဲ့ အတွေးကတော့ တစ်မျိုးကြီးပါလား။ ဒါနဲ့ မြန်မာပလာဇာက ဂျပန်ကန်စွန်းဥ ကိုရောကြိုက်လား။ တစ်ပိဿာ ခြောက်ထောင်လောက်ရှိတဲ့ဟာလေ’

          ‘သူကတော့ ကောင်းတယ်ဟဲ့။ မြန်မာပြည်က ကန်စွန်းဥနဲ့ လုံးဝမတူဘူး။’

          ‘အဲဒါပြောတာပေါ့။ အစားအစာတွေ စိတ်ဝင်စားတယ်လည်းပြောသေး၊ ဒီလိုစပျစ်သီးတွေ၊ ကန်စွန်းဥ တွေ မြန်မာပြည်ကိုဝင်လာပြီး နိုင်ငံခြားငွေရှာသလို၊ ညီမတို့ဆီက ဘာတွေပို့ပြီး ဒေါ်လာရှာရင်ကောင်းမလဲ စဉ်းစားကြည့်ကြရင် မကောင်းဘူးလား’

          ‘ဟုတ်တယ် ညီမလေးပြောမှပဲ မြန်မာပြည်မှာ တော်တော်အရသာရှိတဲ့ စိန်တစ်လုံးသရက်သီး၊ အစေ့ များပေမဲ့ အရသာအလွန်ကောင်းတဲ့ ဒူးရင်းသီး၊ အသီး သေးသေးလေးပေမဲ့ အစေ့မရှိဘဲ သဘာဝအချိုအရသာ နဲ့ စလေဆီးသီး၊ ချက်လိုက်ရင် လက်တစ်ဆစ်နည်းပါး ရှည်လျားတဲ့ ရွှေဘိုပေါ်ဆန်းမွှေးဆန်တွေကို ခေတ်နဲ့အမှီ စိုက်ပြီး ရာသီမရွေးသီးအောင်လုပ်တဲ့ နည်းပညာတွေ ပေါင်းပြီး အိပ်(စ်)ပို့လုပ်ရင်ကောင်းမှာ။’

          ‘အသီးအနှံတွေက ရေမြေရာသီဥတုတွေကွာရင် ကွာသလိုအရသာတွေ ကွာတယ်မမရဲ့ ။ ဟိန်းမြင့်မိုရ်က ထွက်တဲ့စိန်တစ်လုံးနဲ့ ဖြူးမှာစိုက်တဲ့ စိန်တစ်လုံး အရသာချင်းမတူကြဘူး။ ရှမ်းပြည်ကလာတဲ့ ပန်းထုပ်ရဲ့ အရသာနဲ့ မြေပြန့်က ပန်းထုပ်အရသာမတူသလိုမျိုးပေါ့’

          ‘ဒါဆိုလည်း အညာမှာ စလေဆီးသီးကောင်း ကောင်းထွက်အောင်လုပ်ပြီး စီးပွားသွားရှာရမဲ့ပုံပေါ့’

          ‘သပ်သပ်ကြီးတော့ ဘယ်ဟုတ်မလဲ။ အဲဒီမှာရှိနေတဲ့ လူတွေအလုပ်အကိုင် ပိုပွင့်လာအောင်ရယ်၊ ဆင်းရဲသား ပပျောက်ရေးတို့ ဘာတို့ထဲက သဲပွင့်လေးတစ်ပွင့် လောက်ရှိတဲ့ စိတ်ကူးပါ။ ကျောက်စိမ်းတွင်းကြီး တွေ၊ သစ်အလုံးကြီးတွေ၊ ကြေးနီတောင်တွေလောက်တော့ သပိတ်ဝင်အိပ်ဝင် မဟုတ်ဘူးပေါ့။’

          ‘ရတယ်ဗန်းထဲက ဆီးသီးတွေကို စိတ်ဝင်စားတဲ့ လူတချို့ရှိနေသေးတာပဲ။ ဗန်းမှောက်လို့ကတော့ ကောက်ဖို့ အဆင်သင့်စောင့်ကို စောင့်နေအုန်းမှာ’

          ‘စကားတွေပြောရင်းပြောရင်း ဘယ်ရောက်ကုန်ပြီ လဲမသိဘူး။ ဗိုက်ဆာတယ်။ ထမင်းစားရအောင်။ မမ ဘာဟင်းချက်ထားလဲ။’

          ဝက်လျှာ၊ နှစ်တစ်ရာသီးပေါင်း၊ ချဉ်ပေါင်ခါးမျှစ်ကြော်၊ ခဝဲသီးဟင်းရည်၊ ငရုတ်သီးသုပ်ချက်မှာမို့အတူ လုပ်ကူရင်း ချက်နည်းလေးစလိုက်ရအောင်။

          ဝက်လျှာနှစ်ချောင်းကို ရေနွေးပွက်ပွက်ဆူနဲ့ လောင်းချပြီး လျှာပေါ်ရှိနေတဲ့ အညစ်အကြေးတွေကို ဓားပြားနဲ့ခြစ်ပစ်ပါ။ အနေတော်အတုံးတွေတုံးပြီး ဆား၊ အရသာ၊ နှစ်မျိုးပေါင်းလက်ဖက်ရည်ဇွန်းနှစ်ဇွန်း၊ ပဲငံပြာ ရည် အနည်းငယ်ပါထည့်၍ အရသာဝင်အောင်နယ်ပါ။

          ချက်မည့်အိုးထဲ ဆီငါးကျပ်သားထည့်ပြီး ကြက် သွန်နီနှစ်ဥ၊ ကြက် သွန်ဖြူတစ်ဥ၊ ချင်းလက်တစ်ဆစ် ရော ထောင်းထားတဲ့အဆာထည့်ကြော်ပါမယ်။ အဆာဖတ်တွေ ရွှေဝါရောင်တောက်လာရင် နယ်နှပ်ထားတဲ့ ဝက်လျှာထည့်လုံးပါ။ ပါတဲ့အရည်တွေခန်းပြီး ဆီပြန်လာရင် ခရုဆီ စတီးဇွန်းတစ်ဇွန်းထပ်ဖြည့်ပါ။ ရေအသား မြုပ်အောင်ထည့်ပြီး ဆယ့်ငါးမိနစ် ဆူပွက်အောင်တည်ပါ။ ဝက်လျှာနူးခါနီးရင် အခွံမာတွေခွာထားတဲ့ နှစ်တစ်ရာ သီး အလုံးသုံး ဆယ် (သို့) ကိုယ့်စားချင် သလောက်ထည့်ပါ။ အဖုံးအုပ်တည်ပြီး နှစ်တစ်ရာသီးနဲ့ ဝက်လျှာနူး အိသွားရင် ဟင်းကျက်ပါပြီ။ လိုအပ်တဲ့ အရသာအပေါ့အငန် အချိုကိုတော့ မြည်းကြည့်ပြီး ဖြည့်ဖို့လိုပါမယ်။

          ချဉ်ပေါင်ခါးမျှစ်ကြော်အတွက် ချဉ်ပေါင်ခါးတစ်စည်း၊ မျှစ်နုငါးကျပ်သား၊ ပုစွန်ခြောက်အမှုန့်၊ လက်တစ် ဆုပ်၊ ငါးပိ၊ ငရုတ်သီး၊ ဆားအနည်းငယ်စီလိုပါမယ်။

          ပထမဆုံး မျှစ်ကိုပါးပါးလှီးပြီး တစ်ရေပြုတ်ထားမယ်။ ဆီသုံးကျပ်သားထည့်၊ ကြက်သွန်ဖြူငါးတက်ဓား ပြားရိုက်ပြီးကြော်မယ်။ ကြက်သွန်ဖတ်ဝါရောင်သန်းလာရင် ငါးပိ ကွမ်းသီးလုံးလောက်ထည့်ကြော်မယ်။ ငါးပိစိမ်း နံ့ပျောက်ရင် ရေစစ်ထားတဲ့ မျှစ်ထည့်ကြော်မယ်။ မီးအရှိန် လျှော့ပြီး မျှစ်ဖတ်တွေလိပ်သွားအောင် ဆယ်ငါးမိနစ် ကြော်မယ်။ အရွက်သင်ထားတဲ့ ချဉ်ပေါင်ခါး၊ ငရုတ်သီးအမှည့် ထပ်ထည့်ပါမယ်။ ချဉ်ပေါင်ရွက်လိပ်ပြီး ဆီပြန် လာရင် ပုစွန်ခြောက်အမှုန့်နဲ့အတူ ဆားအနည်းငယ်ဖြည့်ပါ။ အရသာအနေတော်ဖြစ်အောင်မြည်းပြီးရင်တော့ ချဉ်ပေါင်မျှစ်ကြော်ရပါပြီ။

          ခဝဲသီးဟင်းရည်အတွက်၊ ကြက်ရိုးလေးငါးချောင်းကို ကြက်သွန်ဖြူတစ်ဥ ဆား၊ အရသာနဲ့ပြုတ်ပြီး ခဝဲ သီး အခွံခွာပါးပါးလှီးထည့်ပြီး ဟင်းရည်ချက်တာပါ။ ကြက်ရိုး မရှိရင် ငါးမီးဖုတ်၊ ပုစွန်မီးဖုတ်တွေအခတ်လုပ်ပြီး ချက်လို့ရပါတယ်။ ပဲပင်ပေါက်၊ ပဲကြာဆံတွေ ထပ်ထည့်လို့ရပါသေးတယ်။

          ငရုတ်သီးသုပ်အတွက် ငရုတ်သီးလှော်ထောင်းထား တာကို ကြက်သွန်စိမ်း၊ ပါးပါးလှီးကြက်သွန်ဖြူသုံး လေး တက်ထောင်းထားတာကို မြေပဲမှုန့်၊ ဆား၊ အရသာ၊ ဆီစိမ်း နဲ့ရောနယ်ပြီး သုပ်တာပါ။ ပုစွန်ခြောက်အ ကောင်အမှုန့် ကြိုက်တက်ရင် ထပ်ထည့်ပါ။

          မြန်မာအစားအစာတွေကိုလည်း ကမ္ဘာကသိစေချင် လှပါတယ်။ ကိုရီးယားကင်မ်ချီလိုမျိုး ရှမ်းမုန်ညင်း ချဉ်၊ ကြက်သွန်ချဉ်၊ ဂျူးမြစ်ချဉ်၊ မုန်လာဥချဉ်အပါအဝင် အခြားအမျိုးပေါင်းများစွာ ရောင်းချပြီး၊ ချမ်းသာပျော်ရွှင် ငြိမ်းချမ်း သာယာသောသူတွေ နေထိုင်မဲ့မြန်မာနိုင်ငံကြီး ဖြစ်ချင်လှပါတယ်။

နန်းစန်းစန်းအေး

အဓိပတိ (ဖြူး)

►   ချဉ်ပေါင်ခါးမျှစ်ကြော်

♦   ချဉ်ပေါင်ခါး   –   ၁ စည်း

♦   မျှစ်နု   –   ၅ ကျပ်သား

♦   ပုစွန်ခြောက်မှုန့်   –   လက်တစ်ဆုပ်

♦   ငါးပိ   –   ကွမ်းသီးလုံးလောက်

♦   ငရုတ်သီး၊ ဆား   –   အနည်းငယ်

♦   ဆီ   –   ၃ ကျပ်သား

♦   ကြက်သွန်ဖြူ   –   ၅ တက်

♦   ဆား   –   အနည်းငယ်

    ဝက်လျှာနှစ်တစ်ရာသီးပေါင်း

♦   ဝက်လျှာ   –   ၂ ချောင်း

♦   ဆီ   –   ၅ ကျပ်သား

♦   ကြက်သွန်နီ   –   ၂ ဥ

♦   ကြက်သွန်ဖြူ   –   ၁ ဥ

♦   ချင်း   –   လက်တစ်ဆစ်

♦   ခရုဆီ   –   စတီးဇွန်း ၁ ဇွန်း

♦   နှစ်တစ်ရာသီး   –   ၃ဝ လုံး (သို့) စိတ်ကြိုက်

♦   ဆား   –   အနည်းငယ်

♦   အရသာမှုန့်    –   အနည်းငယ်

►   ခဝဲသီးဟင်းရည်

♦   ခဝဲသီး

♦   ကြက်ရိုး   –   ၅ ချောင်း

♦   ကြက်သွန်ဖြူ   –   ၁ ဥ

♦   ဆား    –   အနည်းငယ်

♦   အရသာမှုန့်   –   အနည်းငယ်

♦   Nan San San Aye   ♦

Facebook Comments