ကရင်ဖက်စွပ်မှိုသုပ်

by Myint Oo Tha for Food Magazine

          လွယ်ကူပြီး အရသာရှိတဲ့ ရိုးရာအသုပ်လေးပါ။ တချို့က မှိုကို အစိမ်းသုပ်ကြပေမယ့် ကျွန်တော်ကတော့ ရေနွေးဖျော ပြီးမှ သုပ်ပါတယ်။ အိမ်မှာ ရှိနေတဲ့ ငါးခြောက်ဖုတ်လေးနဲ့ ရောပြီး သုပ်ရတာဆိုတော့ အချိန်လည်း သိပ်ပြီးပေးစရာ မလိုဘူးပေါ့။

ပါဝင်ပစ္စည်းများ

ဖက်စွပ်မှို  –  ၁၇၀ ဂရမ်

ငါးပုပ်ခြောက် (သို့) ငါးရံ့ခြောက်

သံပရာသီး  –  ၁ လုံး

ကြက်သွန်နီ  –  ၂ လုံး (ပါးပါးလှီးထားပါ)

ကြက်သွန်ဖြူဆီချက်  –  စားပွဲဇွန်း ၂ ဇွန်း

ကြက်သွန်မြိတ်   –  ၂ ပင် (ပါးပါးလှီးထားပါ)

ငရုတ်သီးစိမ်း  –  ၇ တောင့်

ပြုလုပ်နည်းအဆင့်ဆင့်

၁။       ဖက်စွပ်မှိုကို သန့်ရှင်းအောင်ဆေးပြီး ဆားရည်စိမ်ထားပါ။

၂။       ငါးပုပ်ခြောက် (သို့) ငါးရံ့ခြောက်ကို မီးဖုတ်ထားပါ။

၃။       ငရုတ်သီးစိမ်းကို လှော်ပြီး ထောင်းထားပါ။

၎။       ဆားရည်စိမ်ထားတဲ့ ဖက်စွပ်မှိုကို သေးသေးမြွှာကာ ရေနွေးဖျောပြီး ဆယ်ယူထားပါ။

၅။       ဇလုံထဲ ရေနွေးဖျောထားတဲ့ မှိုထည့်ပါ။ ပြီးလျှင် ထောင်း ထားတဲ့ ငရုတ်သီးစိမ်း၊ မီးဖုတ်ထားတဲ့ ငါးပုပ်ခြောက်ကို မြွှာပြီး ထည့်ပါ။ ကြက်သွန်နီ၊ ကြက်သွန်ဖြူဆီချက်၊ ကြက်သွန်မြိတ်၊ သံပရာရည်ညှစ်ပြီး ဖွဖွလေးနယ်ပါ။

၆။       ဒါဆိုလျှင် ချဉ်စပ်အရသာရှိတဲ့ ဖက်စွပ်မှိုအသုပ်လေး ရပါပြီ။

www.facebook.com/Myint Oo Tha

Facebook Comments