Blueberry Cream Cake

by Chef Saw Sar Mu Lar for Food Magazine

          Blueberry နေရာမှာ အခြားယို၊ အသီးအမျိုးမျိုးလည်း ထည့်လို့ရပါတယ်။

ပြုလုပ်ချိန် ၇၅ မိနစ်၊ အရေအတွက် ၁ ခု

ပါဝင်ပစ္စည်းများ

ကြက်ဥအလုံးလိုက်  –  ၂ လုံး

သကြား  –  ၅၀ ဂရမ်

SP  –  လက်ဖက်ရည်ဇွန်းတစ်ဝက်

ဆီ  –  ၈၀ ဂရမ်

ဆား  –  အနည်းငယ်

ကြက်ဥအကာ  –  ၃ လုံး

သကြား  –  ၉၀ ဂရမ်

ဗနီလာအနံ့  –  လက်ဖက်ရည်ဇွန်း ၁ ဇွန်း

Cream of Tar Tar  –  လက်ဖက်ရည်ဇွန်း တစ်ဝက်

ကိတ်ဂျုံ  –  ၁၅၀ ဂရမ်

ဘေကင်ပေါင်ဒါ  –  လက်ဖက်ရည်ဇွန်း ၁ ဇွန်း

ပြုလုပ်နည်းအဆင့်ဆင့်

၁။       ကြက်ဥအလုံးလိုက်ကို သကြား၊ SP တို့နှင့် ဖြူလာပြီး ညောင်စေးပေါက်သည်အထိ မွှေတံနှင့် မွှေပါ။

၂။       ကိတ်ဂျုံ၊ ဘေကင်ပေါင်ဒါကို ဆန်ခါချပြီး ပလတ်စတစ်ယောက်မဖြင့် မွှေပါ။

၃။       ဆီ၊ ဆား၊ ဗနီလာအနံ့ရောကာ ဆက်မွှေပါ။

၎။       Cream of Tar Tar ကို သကြားနှင့်ရောထားပြီး ကြက်ဥအကာကို စရိုက်ပါ။ ကြက်ဥအကာအမြှုပ်ထပြီး ဖြူလာလျှင် Tar Tar နှင့်ရောထားသော သကြားကို ဖြည်းဖြည်းချင်း ကုန်အောင်ထည့်ပါ။ ကြက်ဥအကာဖြူပွပြီး ညောင်စေးပေါက် အနေအထားမျိုးရလျှင် နံပါတ် (၃) မှ လုပ်ခဲ့ပြီးသော မုန့်နှစ်ထဲသို့ ကြက်ဥအကာ (Meringue) ကို တစ်ဝက်ရောမွှေပါ။ သေချာနယ်ပြီးလျှင် ကျန် Meringue ကိုရောပြီး ဖြည်းညင်းစွာ လက်နှင့်ဖြစ်စေ၊ ပလတ်စတစ် ယောက်မနှင့်ဖြစ်စေ အားလုံးရောအောင်မွှေပါ။

၅။       မီးဖိုအပူချိန်အပေါ်အောက် 180˚C တင်ထားပါ။ ၆ လက်မ ကိတ်အဝိုင်းထဲသို့ မုန့်နှစ်များကို ထည့်ပြီး အသင့်ရှိနေသော မီးအပူချိန် 180˚C မီးဖိုထဲသို့ မိနစ် ၃၀ ခန့်ဖုတ်ပါ။ မုန့်ကျက် မကျက်ကို ကိတ်သားအလယ်သို့ ဆာတေးတုတ်ဖြင့် ထိုးကြည့်ပြီး တုတ်ခြောက်နေလျှင် ရပါပြီ။ စိုနေလျှင် အချိန်အနည်းငယ် ပြန်ဖုတ်ပေးပါ။

၆။       ကိတ်ကျက်လျှင် ကိတ်အဝိုင်းထဲမှ ကိတ်ကိုထုတ်ပြီး အအေးခံပါ။

Layer Cake အတွက် ပါဝင်ပစ္စည်းများ

Topping Cream  –  ၃၀ဝ ဂရမ်

ရေ  –  ၁၀ဝ ဂရမ်

သကြား  –  ၁၀ဝ ဂရမ်

Blueberry ယို

Layer Cake ပြုလုပ်နည်းအဆင့်ဆင့်

၁။       Topping Cream ၃၀ဝ ဂရမ် စက်ထဲထည့်ပြီး High Speed ဖြင့် မွှေပါ။ ခရင်မ်များ ပွပြီး ခဲလာလျှင် ရပါပြီ။ Topping Cream (သို့) Heavy Cream အသုံးပြုလို့ရပါတယ်။ Heavy Cream သုံးလျှင် ရိုးရိုးသကြား ၁၀ဝ ဂရမ်ထည့်ပြီး ရောရိုက်ပါ။ Topping Cream ဆိုရင် အချိုကြိုက်လျှင် သကြားထည့်လို့ရတယ်။ ဒီအတိုင်းသုံးရင်လည်း နဂိုချိုပြီးသားဖြစ်လို့ မလိုအပ်လျှင် သကြားမထည့်လည်း ရပါတယ်။ Topping Cream/ Heavy Cream ကို  အနည်းဆုံး ရေခဲသေတ္တာ အပူချိန် 4˚C အောက်မှာပဲ သိမ်းထားသင့်ပါတယ်။ အပြင်မှာ ကြာကြာထားလို့ အခန်းအပူချိန်ဖြစ်လာရင် အဲဒီခရင်မ်ကို ဘယ်လိုပဲ ဝှစ်နဲ့ရိုက်ရိုက် မခဲတော့ပါဘူး။ ခရင်မ်ကိုရိုက်တဲ့အခါ လိုအပ်တာထက် ပိုမရိုက်ရပါဘူး။ လိုတာထက် ပိုရိုက်မိရင် ခရင်မ်မှ အရည်၊ အဖတ်များထွက်လာပြီး ကွဲသွားတတ်ပါတယ်။ အဲဒီအခြေအနေမျိုး ဖြစ်လာလျှင် ခရင်ကို အချိန်အနည်းငယ် ပြင်းပြင်းလေး ဆက်ပြီးတော့ ရိုက်ပါ။ ထွက်လာတဲ့အဖတ်တွေကို ဆန်ခါနဲ့ စစ်ယူပါ။ အဲဒါက ထောပတ်တွေ ဖြစ်ပါတယ်။ လိုအပ်တဲ့နေရာမှာ အဲဒီထောပတ်ကို ဆက်ပြီး အသုံးပြုနိုင်ပါတယ်။

၂။       အအေးခံပြီးသော ကိတ်ကို သုံးလွှာဓားနဲ့ ဖြတ်ပါ။

၃။       သကြား ၁၀ဝ ဂရမ်ကို ရေ ၁၀ဝ ဂရမ်နှင့် ရောပြီး ပွက်ပွက်ဆူအောင် သကြားရည်ကြိုပါ။ အနည်းငယ်အအေးခံပြီး Rum အရက်ကြိုက်လျှင် လက်ဖက်ရည်ဇွန်း ၂ ဇွန်းစာ ရောပြီး အရသာပိုကောင်းအောင် လုပ်ပေးပါ။ မကြိုက်လျှင် မထည့်ဘဲ ရိုးရိုးသကြားရည်ပဲ သုံးပါ။

၎။       ဖြတ်ပြီးသော ကိတ်အလွှာမှ တစ်ခုယူပြီး သကြားရည်ကို ဘရပ်ရ်ှနှင့်သုတ်ကာ Blueberry ယိုကို ကိတ်မျက်နှာပြင်ဖုံးအောင် အပြည့်ထည့်ပါ။

၅။       ဒုတိယကိတ်လွှာကို Blueberry ယိုပေါ်တင်ပြီး သကြားရည်ကို ရွှဲအောင် ဘရပ်ရ်ှနှင့် သုတ်ကာ  အသင့်ရိုက်ပြီးသား Topping Cream (သို့) Heavy Cream ကို အထူ အပါး မိမိကြိုက်နှစ်သက်သလောက် ကိတ်မျက်နှာပြင်ဖုံးအောင် သုတ်ပါ။

၆။       ခရင်မ်သုတ်ထားသောအပေါ်သို့ နောက်ဆုံးကိတ်အလွှာကို တင်ပြီး သကြားရည် ရွှဲနစ်နေအောင် ဘရပ်ရ်ှနှင့်သုတ်ကာ အပေါ်သို့ ခရင်မ်ပါးပါး၊ ဘေးပတ်ပတ်လည်ကိုလည်း ခရင်မ်ပါးပါးဖြင့် အချောကိုင်ဖုံးပါ။ ကိတ်အလှဆင်ဓား (Palette Knife) ဖြင့် ကိတ်ကို အချောကိုင်ပါ။

၇။       Blueberry ယိုကို ကိတ်အပေါ်  အားလုံးဖုံးပေးပါ။ ၈ စိတ်ဖြတ်ပြီး အပေါ်မှ ပူဒီနာ အရွက်ဖြင့် အလှဆင်ပါ။ အရသာရှိစွာ စားသုံးနိုင်ပါပြီ။

Facebook Comments